ພຣະໄຕຣປີດົກສຶກສາ » ປະຫວັດພຣະຍະສະເຖຣະ

ປະຫວັດພຣະຍະສະເຖຣະ

24 ເດືອນເມສາ 2018
77   0

ປະ​ຫວັດ​ພ​ຣະ​ຍະ​ສະ​ເຖ​ຣະ

  1. ຊ​າດ​ພູມ

ປະ​ຫວັດ​ຫຍໍ້ໆ​ຂອງ​ພ​ຣະ​ຍະ​ສະ ທ່ານ​ເປັນ​ບຸດ​ຂອງ​ເສດ​ຖີ ໃນ​ພ​ຣະ​ນະ​ຄອນ​ພາ​ຣາ​ນະ​ສີ ເຊິ່ງ​ມີ​ເຮືອນ​ສາມ​ຫຼັງ​ເປັນ​ທີ່​ຢູ່​ໃນ​ສາມ​ລະ​ດູ.

  1. ເຫດ​ການ​ກ່ອນ​ຈະ​ອອກບວດ

ໃນ​ສະ​ໄໝ​ນັ້ນ​ຢູ່​ໃນ​ລະ​ຫວ່າງ​ຂອງ​ລະ​ດູ​ຝົນ ຍະ​ສະ​ກຸນ​ລະ​ບຸດ​ຢູ່​ໃນ​ຜາ​ສາດ​ສຳ​ລັບ​ລະ​ດູ​ຝົນ ມີ​ແຕ່​ສັດ​ຕີ​ລ້ວນ ເສບ​ດົນ​ຕີ​ບຳ​ລຸງ​ບຳ​ເລີ​ຢູ່. ມີ​ຢູ່​ໃນ​ຄືນ​ໜຶ່ງ​ຍະ​ສະ​ກຸນ​ລະ​ບຸດນອນ​ຫຼັບ​ກ່ອນ​ໝູ່​ຊົນ​ທີ່​ເປັນ​ບໍ​ລິ​ວານ ເພາະ​ພວກ​ໝູ່​ຊົນ​ນັ້ນ​ນອນ​ຫຼັບ​ທີ່​ຫຼັງ ແສງ​ໄຟ​ທີ່​ເປີດ​ສະ​ຫວ່າງ​ສະ​ໄຫວ​ຢູ່ນັ້ນ ເຮັດ​ໃຫ້​ຍະ​ສະ​ກຸນ​ລະ​ບຸດ​ລຸກ​ຕື່ນ​ຂຶ້ນ​ມາ​ຕອນ​ຂ້ອນ​ແຈ້ງ ຈຶ່ງ​ເຫັນ​ໝູ່​ຊົນ​ທີ່​ເປັນ​ບໍ​ລິ​ວານ​ຂອງ​ຕົນ ນອນ​ຫຼັບ​ມີ​ພິ​ກົນ​ຕ່າງໆ ບໍ່​ເປັນ​ທີ່​ພໍ​ໃຈ​ປາ​ກົດ​ແກ່​ຍະ​ສະ​ກຸນ​ລະ​ບຸດ ຄື​ດັ່ງ​ຊາກ​ສົບ​ຜີ​ທີ່​ຖິ້ມ​ປະ​ຢູ່​ໃນ​ຜີ​ປ່າ​ຊ້າ ຍ​ະ​ສະ​ກຸນ​ລະ​ບຸດ ເກີດ​ຄວາມ​ເສົ້​ສ​ສະ​ຫຼົດ​ໃຈ, ເບື່ອ​ໜ່າຍ ຈຶ່ງ​ອຸ​ທານ​ວ່າ ບ່ອນນີ້​ວຸ້ນ​ວາຍ​ໜໍ!  ບ່ອນນີ້​ຂັດ​ຂ້ອງ​ໜໍ! ສຸບ​ໃສ່​ເກີບ​ເດີນ​ອອກ​ຈາກ​ປະ​ຕູ​ເມືອງ ມຸ່ງ​ໜ້າ​ໄປ​ສູ່​ປ່າ​ອິ​ສິ​ປະ​ຕະ​ນະ​ມິ​ຄະ​ທາ​ຍະ​ວັນ ໃນ​ເວ​ລາ​ຈວນ​ຂ້ອນ​ແຈ້ງ ພ​ຣະ​ບໍ​ຣົມ​ສາ​ສະ​ດາ​ສະ​ເດັດ​ເດີນ​ຈົງ​ກົມ​ຢູ່​ໃນ​ທີ່​ແຈ້ງ ຊົງ​ໄດ້​ຍິນ​ສຽງ​ຍະ​ສະ​ກຸນ​ລະ​ບຸດ​ຮ້ອງ​ເປັ່ງ​ອຸ​ທານ ເດີນ​ໃກ້​ເຂົ້າ​ມາ​ຈຶ່ງ​ຕັດ​ເອີ້ນ​ວ່າ ບ່ອນນີ້ບໍ່​ວຸ້ນ​ວາຍ! ບ່ອນນີ້​ບໍ​ຂັດ​ຂ້ອງ! ມາ​ບ່ອນນີ້​ເຖີດ! ເຮົາ​ຈັກ​ສະ​ແດງ​ທັມ​ແກ່​ທ່ານ​ ຍະ​ສະກຸນ​ລະ​ບຸດ​ໄດ້​ຍິນ​ສຽງ​ຕັດ​ເອີ້ນ​ດັ່ງ​ນັ້ນ​ແລ້ວ ຈຶ່ງ​ປົດ​ເກີບ​ອອກ ເດີນ​ເຂົ້າ​ໄປ​ຖວາຍ​ບັງ​ຄົມ ນັ່ງ​ບ່ອນ​ທີ່​ສົມ​ຄວນ​ແຫ່ງ​ໜຶ່ງ ພ​ຣະ​ອົງ​ຕັດ​ພ​ຣະ​ທັມ​ມະ​ເທດ​ສະ​ໜາ ຊື່​ວ່າ ອະ​ນຸ​ປຸບ​ພະ​ພິ​ກະ​ຖາ ເພື່ອ​ທີ່​ຈະ​ຟອກຈິດ​ໃຈ​ຂອງ​ຍະ​ສະ​ກ​ຖນ​ລະ​ບຸດ ໃຫ້​ຫ່າງ​ໄກ​ຈາກ​ຄວາມ​ຍິນ​ດີ​ໃນ​ກາມ ຕໍ່​ມາ​ພ​ຣະ​ອົງ​ຊົງ​ສະ​ແດງ ອະ​ຣິ​ຍະ​ສັດ​ສີ່ ຍະ​ສະ​ກຸນ​ລະ​ບຸດ

 

ໄດ້​ເຫັນ​ທັມ​ພິ​ເສດ ບ່ອນ​ສະ​ຖານ​ທີ່ນັ້ນ​ແລ ໃນ​ພາຍ​ຫຼັງ​ພິ​ຈາ​ລະ​ນາ​ພູມ​ທັມ​ທີ່​ຕົນ​ເຫັນ​ແລ້ວ ຈິດ​ກໍ​ພົ້ນ​ຈາກ​ອາ​ສະ​ວະ ບໍ່​ຖື​ໝັ້ນ​ດ້ວຍ​ອຸ​ປາ​ທານ.

ສ່ວນ​ມານ​ດາ​ຂອງ​ຍະ​ສະ​ກຸນ​ລະ​ບຸດ (ຄື​ນາງ​ສຸ​ຊາ​ດາ​ຜູ້​ເຄີຍ​ເຂົ້າ​ມະ​ທຸ​ປາ​ຍາດ ແດ່​ພ​ຣະ​ມະ​ຫາ​ບຸ​ຣຸດ ກ່ອນ​ຕັດ​ສະ​ຮູ້​ເປັນ​ພ​ຣະ​ສັມ​ມາ​ສັມ​ພຸດ​ທະ​ເຈົ້າ) ພໍ​ຕອນ​ເຊົ້າ​ຮຸ່ງ​ແຈ້ງ​ຂຶ້ນ ກໍ​ຂຶ້ນ​ໄປ​ເທິງ​ເຮືອນບໍ່​ເຫັນ​ລູກ ຈຶ່ງບອ​ກ​ແກ່​ເສດ​ຖີ​ຜູ້​ເປັນ​ສາ​ມີ​ໃຫ້​ຊາບ​ເສດ​ຖີ​ໃຊ້​ໃຫ້​ຄົນໄປ​ຕາມ​ຫາ​ໃນ​ທິດ​ທັງ​ສີ່ ສ່ວນ​ຕົນ​ເອງ ກໍ​ທ່ຽວ​ຕາມ​ຫາ​ອີກ​ທາງ​ໜຶ່ງ​ດ້ວຍ ແຕ່​ບັງ​ເອີນ​ເດີນ​ທາງ​ມຸ່ງ​ໜ້າ​ສູ່​ປ່າ ອິ​ສິ​ປະ​ຕະ​ນະ-ມິ​ຄະ​ທາ​ຍະ​ວັນ ໄດ້​ເຫັນ​ເກີບ​ຂອງ​ລູກ​ຊາຍ​ວາງ​ຢູ່​ບ່ອນນັ້ນ​ຈຶ່ງ​ຕາມ​ໄປ ເສດ​ຖີ​ເດີນ​ທາງ​ໄປ​ເຖິງ​ແລ້ວ ພ​ຣະ​ອົງຕັດ​ພ​ຣະ​ທັມ​ມະ​ເທດ​ສະ​ໜາ​ຊື່​ວ່າ ອະ​ນຸ​ປຸບ​ພະ​ພິ​ກະ​ຖາ ແລະ​ອະ​ຣິ​ຍະ​ສັດ​ສີ່ ໃນ​ທີ່​ສຸດ​ແຫ່ງ​ພ​ຣະ​ທັມ​ມະ​ເທດ​ສະ​ໜາ ເສດ​ຖີ​ໄດ້​ດວງ​ຕາ​ເຫັນ​ທັມ ທູນ​ຍ້ອງ​ຊົມ​ຊື່ນ​ພ​ຣະ​ທັມ​ມະ​ເທດ​ສະ​ໜາ ສະ​ແດງ​ຕົນ​ເປັນ​ອຸ​ບາ​ສົກ​ວ່າ ຂ້າ​ພ​ຣະ​ບາດ​ຂໍ​ເຖິງ​ພ​ຣະ​ອົ

 

ງ, ພ​ຣະ​ທັມ ແລະ​ພ​ຣະ​ສົງ​ເປັນ​ສະ​ຣະ​ນະ ທີ່​ເພິ່ງ​ທີ່​ລະ​ນຶກ ຂໍ​ພ​ຣະ​ອົງ​ຈົ່ງ​ຊົງ​ຈຳ​ຂ້າ​ພ​ຣະ​ບາດ​ວ່າ​ເປັນ​ອຸ​ບາ​ສົກ​ຜູ້​ເຖິງ​ພ​ຣະ​ລັດ​ຕະ​ນະ​ໄຕ ເປັນ​ທີ່​ລະ​ນຶກ​ຕະ​ຫຼອດ​ຊີ​ວິດ​ຕັ້ງ​ແຕ່​ວັນ​ນີ້ເປັນ​ຕົ້ນ​ໄປ ເສດ​ຖີ​ນັນ​ໄດ້​ເປັນ​ອຸ​ບາ​ສົກ ອ້າງ​ອີງ​ເອົາ ພ​ຣະ​ພຸດ, ພ​ຣະ​ທັມ ແລະ​ພ​ຣະ​ສົງ ເປັນ​ສາ​ລະ​ນະ​ກ່ອນກວ່າ​ຊົນ​ທັງ​ປວງ​ໃນ​ໂລກ.

  1. ວິ​ທີ​ອຸ​ປະ​ສົມ​ບົດ

ເສດ​ຖີ​ຜູ້​ເປັນ​ບິ​ດາ​ຍັງ​ບໍ່​ຊາບ​ວ່າ ຍະ​ສະ​ກຸນ​ລະ​ບຸດ​ເປັນ​ຜູ້​ມີ​ອາ​ສະ​ວະ​ສິ້ນ​ແລ້ວ ຈຶ່ງ​ຂໍ​ຮ້ອງ​ໃຫ້​ກັບ​ໄປ​ເພື່ອ​ໃຫ້​ມານ​ດາ​ຄາຍ​ຈາກ​ຄວາມ​ໂສກ​ເສົ້າ​ເສຍ​ໃຈ ພາຍ​ຫຼັງ​ເມື່ອ​ຊາບ​ວ່າ ຍະ​ສະ​ກຸນ​ລະ​ບຸດ​ມີ​ອາ​ສະ​ວະ​ສິ້ນ​ແລ້ວ ບໍ່​ສາ​ມາດ​ຈະ​ຫວນ​ກັບ​ໄປ​ຄອບ​ຄອງ​ເຮືອນ ບໍ​ລິ​ໂພກ​ກາ​ມະ​ຄຸນເໝືອນ​ແຕ່​ກ່ອນ ຈຶ່ງ​ທູນ​ອາ​ລາດ​ທະ​ນາ ພ​ຣະ​ບໍ​ລົມ​ສາ​ສະ​ດາ​ກັບ​ພ​ຣະ​ຍະ​ສະ​ເປັນ​ປັດ​ສາ​ສະ​ມະ​ນະ ຕາມ​ສະ​ເດັດ​ຮັບ​ບິນ​ທະ​ບາດ​ໃນ​ເວ​ລາ​ເຊົ້າ ພ​ຣະ​ອົງ​ຊົງ​ຮັບ​ດ້ວຍ​ອາ​ການຊົງ​ນິ້ງ ເສດ​ຖີ​ຖາມ​ວ່າ ພ​ຣະ​ອ​ງົ​ຊົງ​ຮັບ​ນິ​ມົນ​ຈຶ່ງ​ລຸກ​ຂຶ້ນ​ຈາກ​ທີ່​ນັ່ງ​ຖວາຍ​ອະ​ພິ​ວາດ ກະ​ທຳ​ປະ​ທັກ​ຂິນ​ແລ້ວ​ກໍ​ຫຼີກ​ໄປ ເມື່ອ​ເສດ​ຖີ​ກັບ​ໄປ​ແລ້ວ ຍ​ະ​ສະ​ກຸນ​ລະ​ບຸດ ຈຶ່ງ​ທູນ​ຂໍ​ບັນ​ພະ​ຊາ​ອຸ​ປະ​ສົມ​ບົດ​ນຳ ພ​ຣະ​ບໍ​ລົມ​ສາ​ສະ​ດາ​ວ່າ ພ​ຣະ​ອົງ​ຊົງ​ອະ​ນຸ​ຍາດ​ໃຫ້​ເປັນ​ພິກ​ຂຸ​ດ້ວຍ​ພ​ຣະ​ວາ​ຈາ​ວ່າ ທ່ານ​ຈົ່ງ​ເປັນ​ພິກ​ຂຸ​ມ

າ​ເຖີດ ທັມ​ອັນ​ເຮົາ​ກ່າວ​ດີ​ແລ້ວ ທ່ານ​ຈົ່ງ​ປະ​ພຶດ​ພົມ​ມະ​ຈັນ​ເຖີດ ໃນ​ທີ່ນີ້ບໍ່​ໄດ້​ຕັດ​ວ່າ ເພື່ອ​ຈະ​ທຳໃຫ້​ເຖິງ​ທີ່​ສຸດ​ແຫ່ງ​ທຸກ​ໂດຍ​ຊອບ ເພາະ​ພ​ຣະ​ຍະ​ສະ​ໄດ້​ເຖິງ​ທີ່​ສຸດ​ແຫ່ງ​ທຸກ ຄື​ໄດ້​ບັນ​ລຸ​ເປັນ​ພ​ຣະ​ອໍ​ລະ​ຫັນ​ແລ້ວ.

ໃນ​ຕອນ​ເຊົ້າຂອງມື້​ໜຶ່ງ ພ​ຣະ​ບໍ​ລົມ​ສາ​ສະ​ດາ​ມີ​ພ​ຣະ​ຍະ​ສະ​ເປັນ​ປັດ​ສາ​ສະ​ມະ​ນະ​ຕາມ​ສະ​ເດັດ​ໄປ​ຮັບ​ບິນ​ທະ​ບາດ​ໃນ​ເຮືອນ​ຂອງ​ເສດ​ຖີ ພ​ຣະ​ອົງ​ຊົງ​ສະ​ແດງ​ພ​ຣະ​ທັມ​ມະ​ເທດ​ສະ​ໜາ ຊື່​ວ່າ​ອະ​ນຸ​ປຸບ​ພະ​ພິ​ກະ​ຖາ ແລະ​ອະ​ຣິ​ຍະ​ສັດ​ສີ່ ແກ່​ສັດ​ຕີ​ທັງ​ສອງ​ຄື ມານ​ດາ ແລະ​ພະ​ຣິ​ຍາ​ເກົ່າ​ຂອງ​ພ​ຣະ​ຍະ​ສະ ປາ​ກົດ​ວ່າ ສັດ​ຕີ​ທັງ​ສອງ​ໄດ້​ດວງ​ຕາ​ເຫັນ​ທັມ ສະ​ແດງ​ຕົນ​ເປັນ​ອຸ​ບາ​ສິ​ກາ ເຖິງ​ພ​ຣະ​ລັດ​ຕະ​ນະ​ໄຕ​ເປັນ​ທີ່​ລະ​ນຶກ ພາຍ​ຫຼັງ​ສັດ​ຕີ​ທັງ​ສອງນັ້ນ, ເປ​ນັອຸ​ບາ​ສິ​ກາ​ທີ່​ເກີດ​ຂຶ້ນ​ໃນ​ໂລກ​ກ່ອນກວ່າ​ຜູ້​ຍິງ​ອື່ນ​ໃດ? ເມື່ອ​ສຳ​ເລັດ​ພັດ​ຕະ​ກິດ ຕັດ​ເທດ​ສະ​ໜາ​ສັ່ງ​ສອນ​ຊົນ​ທັງ​ສາມ​ແລ້ວ ພ​ຣະ​ອົງ​ຈຶ່ງສະ​ເດັດ​ກັບ​ໄປ​ປ່າ​ອິ​ສິ​ປະ​ຕະ​ນະ​ມິ​ຄະ​ທາ​ຍະ​ວັນ.

  1. ການ​ພ່ຳ​ເພັງ​ປະ​ໂຫຍດ

ການ​ອຸ​ປະ​ສົມ​ບົດ​ຂອງ​ພ​ຣະ​ຍະ​ສະ​ໃນ​ຄັ້ງ​ນີ້ ຖື​ວ່າ​ເປ​ັນ​ສິ່ງ​ສຳ​ຄັນ​ຫຼາຍ ເພາະ​ວ່າ​ເປັນ​ສິ່ງ​ອຳ​ນວຍ​ປະ​ໂຫຍດ​ສຸກ​ໃຫ້​ໝູ່​ຊົນ​ຫຼວງ​ຫຼາຍ ເພາະ​ວ່າ​ທ່ານ​ຍັງ​ສາ​ມາດ​ຊັກ​ຈູງ​ຜູ້​ອື່ນ​ເຂົ້າ​ມາ​ອຸ​ປະ​ສົມ​ບົດ​ນຳ​ເຊັ່ນ: ສະ​ຫາຍ​ຂອງ​ທ່ານ​ອີກ 54 ຄົນ ທີ່​ໄດ້​ເຂົ້າ​ມາ​ອຸ​ປະ​ສົມ​ບົດ​ເປັນ​ພ​ຣະ​ພິກ​ຂຸ​ໃນ​ພ​ຣະ​ພຸດ​ທະ​ສາ​ສະ​ໜາ ກໍ​ເພາະ​ອາ​ໄສ​ທ່ານ ທ່ານ​ໄດ້​ເປັນ​ກຳ​ລັງ​ສຳ​ຄັນ ທີ່​ຊ່ວຍ​ປະ​ກາດ​ພ​ຣະ​ສາ​ສະ​ໜາ​ໃນ​ຕອນ​ປະ​ຖົມ​ໂພ​ທິ​ການ​ອີກ​ອົງ​ໜຶ່ງ ເມື່ອ​ດຳ​ລົງ​ອາ​ຍຸ​ສັງ​ຂານ​ພໍ​ສົມ​ຄວນ​ແກ່​ການ​ແລ້ວ ກໍ​ດັບ​ຂັນ​ປະ​ລິ​ນິບ​ພານ.

ຊ່ອງທາງຕິດຕາມ: